Sie Määt Süchtig Letra

Du hatts dir su fess vüürjenomme, du feels op kein mieh rinn: "Ejal was kütt, ejal wat nit: Met Liebe ess nix mieh drinn!" Em Zweifelsfall hässte treck affjewunke: "Mich määt kein Frau mieh blind!" Denn schon beim eezte klizzekleinste Funke zuck dat jebrannte Kind. Du hatts dir 'n Maginot-Linje öm et Häzz jebaut, häss keinem Losungswoot mieh övver der Wääsch jetraut. Vüür hühre Dööchter un Prinzessinne op Ääze op der Hoot - hässt du jeschwoore. Sie määt süchtig. Einfach alles ahn ihr trick dich zo ihr hin – wie en Hypnose, wie magnetisch. Du wills ständig bei ihr sinn. Su lang künnt keine Winter sinn, su düster wöhr kein Naach, dat dir der Blues noch ens e Schnippche schläät, hässte nur laut jelaach. Doch, wie mer lang, lang bruch, öm jung zo weede, wie dä Picasso säät, sching och die Binsenweisheit wohr ze sinn: Vun wäje: "...nie zo spät." Jetz läufste römm als ob de 'e Tor jeschosse hätts, un jeder denk: "Dä spennt, dä 's wie en Trance versetz!" Adrenalin hält dich ahm Schwebe, un du strahls, wie mer dich lang ald nit mieh kennt.