Rudeldiere Letra

Wo sin die, wo ich hinjehüre
Die janz allein jenau su friere
Ming Horde, ming Rudel un ming Crew

Die ohne Froche met mir springe
Met mir die jlichen Leeder singe
Die allt spüre, wat ich spüre
Kann mich irjendeiner hüre? (Wo? Wo? Wo? Wo?)

Wo sin all ming Rudeldiere? (Wo-o-o-o?)
Die, wo ich dozo jehüre
Es do einer, sin do viеle
Die met mir dеr Mond anhüle
Wo sin all ming Rudeldiere?

Wenn mir naaks de Bau verlosse
Un streune durch de Jroßstadtstroße
Am Himmel üvver uns, d'r Mond steiht voll
Op laute Pfote durch die Naach
Dä Doosch noh Levve hält uns waach
Bes de Sonn de Wolke rut anmolt

Künnt ihr spüre, wat ich spüre?
Kann mich irjendeiner hüre? (Wo? Wo? Wo? Wo?)

Wo sin all ming Rudeldiere? (Wo-o-o-o?)
Die, wo ich dozo jehüre
Es do einer, sin do viele
Die met mir der Mond anhüle
Wo sin all ming Rudeldiere? (Wo-o-o-o?)

Mer jare alles, wat uns jlöcklich määht
Un mer krieje nie jenooch
Un wenn di Hätz em selbe Rhythmus schlääht
Kumm met!


Wo sin all ming Rudeldiere? (Wo-o-o-o?)
Es do einer? (Mir sin viele, wo-o-o-oah)
Wo sin all ming Rudeldiere? (Wo-o-o-o?)
Es do einer? (Mir sin viele, wo-o-o-oah)

Wo sin all ming Rudeldiere? (Wo-o-o-o?)
Die, wo ich dozo jehüre
Es do einer? (Mir sin viele)
Die met mir der Mond anhüle
Wo sin all ming Rudeldiere? (Wo-o-o-o?)
Die, wo ich dozo jehüre (Wo-o-o-oah)
Es do einer? (Mir sin viele)
Die met mir der Mond anhüle
Wo sin all ming Rudeldiere?