Dem Rievekoochebuudebesitzersingfrauihre-Blues Letra

Schon janz früh am morje, do fährt he loss. Do muss hä luure, wo de sack ääpel am wenigsten koss. Un sing frau, die trick sich dann ne saubere Kittel ahn, jeiht in die Rievekoochebud direkt an dr Strossebahn. Zoeetz schällt se ääpel - su zwei bis drei Sack. Un danoch, do weed dann dä Öllich klein jehack. Un dann, dann steiht se de janze daacch em Mief. Ovens es Rögge un Nacke vum Backe janz stief. Refrain: "Dann fröch se widder: Wann, sach mir wann, häste de Muhl ens opjemaaht? Wann, sach mir wann, häste jett Nettes zo mir jesaaht? Wann, sach mir wann, hann mir zuletzt ens schön geschmuus? Dat es dem Rievekoochebudebisitzersingfrauihre-Blues." Alles es fettig, sujar dat Jeld dat rüch noh Öl. Em Buch da hätt se sulang schon e komisch Jeföhl. Süht dä en mir överhoupt noch su wie fröher en richtige Frau? Helfe do Pille zum Wulle un Künne oder hilft nur Schaubau. Refrain: "Dann fröch se widder: Wann, sach mir wann, häste de Muhl ens opjemaaht? Wann, sach mir wann, häste jett Nettes zo mir jesaaht? Wann, sach mir wann, hann mir zuletzt ens schön geschmuus? Dat es dem Rievekoochebudebisitzersingfrauihre-Blues."