S' Luftg'wehr Letra

Mei Bruada hot zum Weihnachtsfest A Luftg´wehr gschenktda griagt Mit dem er jetz ganz langsam Unser Wohnung demoliert De Vorhäng san durchlöchert Koa Spiegl is mehr ganz S´Ofarearl schaut wie a Teesieb aus Da Vaputz foit von da Wand Es dauert gor net lang Do kimmt er drauf, dass des net bringt Auf wos schiasn, wos net zappelt Wos net krabbelt oda springt Des macht doch erst so richtig Spass Do werds erst intressant Wenn irgendwos um sei Lebn rennt Und trotzdem hots koa Chance So foit des erste Vogerl Im Gartn drausst vom Baam A Voitreffa dass d´Federn fliang Ganz langsam schwebns zum Bodn Und jedn Dog werdns a boor mehra Bis se koans mehr zuara traut Und mei Bruada traurig wart Zum Fensta auße schaut Dass des no net des wahre war Des gspannt er irgendwann Komisch, aba ois wos er umbrocht hot Is gstorbn ohne an Ton Do fehlt des gewisse etwas Do fehlt der gewisse Schrei Der Schrei von dem ma woaß Wenn er aufhört, dann is mim Lebn vorbei Jetz hot er für guade Notn No an gloan Hund vom Voda griagt Mit dem er jedn Nachmittag Im Woid drausst rumspaziert Und wias hoit Hund so an sich ham Er lafft eam irgendwann amoi weg Er suachtn und findn a boor Stundn späta Vom Jaga daschossn vo iBluat und voi Dreck Und wie er´n do so liegn sigt Er hebtn auf und drogtn dann rearad hoam Foit eam des erste Vogerl ei Des glegn is unterm Baam Er schwört, dass er nie wieder Auf wos lebendigs schiassn mog Blos schod, dass da Mensch so vergesslich is Mia sehns ja jedn Dog Blos schod, dass da Mensch so vergesslich is Mia sehns ja jedn Dog