Noochruef Letra

Bi uns gits keini schlimme bilder, mir sind jo nid al-jazeera
Bitte blyybe sie dra, nach e chly sex und schmärz
Gits neus vo dr front, sowie unsre wettbewärb
Und wenn sie glück hän gwünne sie e probewuche
Im'ne land ihrer wahl mit unsre bodetruppe

Johny holiday: diagnose grössenwahn im fortgeschrittenen stadium- für alle scheint die welt nicht mehr so ganz in ordnung- wir halten alles in den händen, selbst kriege zu beenden

Ych has satt, us truppe uf brucke in bagdad
Töte journaliste, wän friede stifte durch machtkampf
Brite befreye basra, irak wird demokratisch
Und y hoff vo härze, dass das land au parat isch
Aber was isch: wie gohts witter in däm kapitel?
Krieg sig politik nur mit andere mittel
Jä was jetzt: y frog mi wo die jetzt wieder aasetzt?
Die lütt hän gnueg lang glitte als glasmensch
Es macht mi rasend: fuck neokolonialimus
Präventivschläg als kriegsgrund, für d'uno e gnickschuss
Sicher, schlächt isch es nid nur was in dere gegend passiert
Aber y veracht, dass das mr dä krieg als mittel legitimiert
Die wohre zwäck cachiert und an d'spitze vor wält marschiert
Nütt ka sie stoppe, irgend öppis lauft dänkbar schief
Denn wie immer im krieg wirsch vo emotione verfiert
Wo dine argumentatione dr bode entziehn
Und sowieso isch das so e komplexi thematik
Dass ych sie als mcee im'ne text numme aaschnyd
Aber s'bruucht e basis, für mi isch's nid nur e redensart
Ych glaub dra, dass mr im klyyne öppis bewege ka