Annie May Letra

wänn andri wodka trunke händ hätt dini tochter cola gholt
du häsch mer immer gseit da usse luuret gfahre und
ich söll nöd trinke wänni nachher no mues fahre und
du wärsch so stolz uf mich bin suuber gsi vo chopf bis fuess
obwohl all andre gseit händ annie nimm doch eis es chunnt scho guet

ref.(2x):

annie may
so jung und unschuldig
annie may
werum a dem dunnstig
annie may
was immer de grund isch
wo isch de gott gsi das isch nöd okey!

ich han alles richtig gmacht, dänk etz nüt schlächts nä-ä
glaub mer ich los uf diich denn du häsch immer rächt ähä
wo d'party fertig gsi isch sind di andere blibbe
ichhan nur no tschüss gseit und bin sofort is auto gstigge
du häsch mich guet erzoge - ufrächt, lieb und warm
han nur no welle hei uf direktem wäg i diini arm
ich bin loosgfahre, gfahre uf nassem teer
doch de wage uf de gegefahrbahn hett mich nöd gse

ref.(2x)

er hätt mich eifach überfahre und etz ligi ufem asphalt
überall um mich isch bluet, mir isch so krass chalt
ich ghör wied polizei seit de ander segg betrunke
alles tuet so weh, alles wird so dunkel
richt em papi us ich lieb en gib mim brüeder en kuss vo mir
de chrankewage chunnt vill zspaat ich gsee scho s'wiise liecht
e letschti frag bevor ich abschied nimm vo diir mami
ich han ken tropfe trunke wieso bin ich etz die wo stirbt mami?

ref.(2x)

wiesooo?
oh annie, oh oh oh annie annie
oh annie, oh oh oh annie annie
...