Pressefotograph Letra

Ich han jearbeit, ävver nix verdeent,
dröm wor ich et leid.

Als kleine Panz han ich schon jän jeknips,
Bilder met un ohne Blitz.
Weil se domols schon jesaat, Jung, du bes jot,
han ich ming Chance erkannt,
dröm han ich hück ming Kamera och stetz zor Hand.

Blitz, Blitz,
wo jet loss es, jo do weed jeknips,
wo die joode Knaller sin, do muß ich hin.

Ich ben der Fotojraf vun Revolverblatt,
han immer alles em Visier,
un wenn irjendeiner mich beim Knipse hindere well,
ich sagen dir do wäden ich zom Dier.

Ich ben der Fotojraf vun Revolverblatt,
fahr immer, wo jet läuf direk hin,
och wenn et manchmol nit „die Feine“ es, et muß sin.

2.
Wenn irjendwo net jroße Lade brennt,
wenn einer sich jet andun well,
un litt su noh nem Unfall einer do,
dann sagen ich „No halt ens stell.“

Einer kann jo nur der Eeschte sin.
Wä zoeesch kütt, mät et eeschte Bild.
Ming Kolleje, die sin all schwer falsch op mich,
bei denne han ich längs verspillt,
doch dat es mir ejal, de Haupsaach es für mich mi Bild.

Blitz, Blitz,
Ich ben der Fotojraf vun Revolverblatt,
fahr immer, wo jet läuf direk hin,
och wenn et manchmol nit „die Feine“ es, et muß sin.

Blitz, Blitz,
Ich ben der Fotojraf vun Revolverblatt,
fahr immer, wo jet läuf direk hin,
och wenn et manchmol nit „die Feine“ es, et muß sin.