Nit für Kooche Letra

[1.]
Ich will fottsinn, wenn weiß wer op 'Aufjeklärt' mäht
und sing Klosprüch als Wetz jetarnt och,
wenn der letzte Verklempte mir't 'DU' anbeet un
se einmol em Johr och sprich - ming Sprooch.
Ich kann echt nit drovver laachen
wenn die froore, die sonst nix
ohne Schlips un Kraare mache,
ob ihr Pappnaas richtgi sitz?

[2.]
Die Vereinsmeier hamm dann ihre Hochkonjunktur,
Uniform-Fetischiste ald jraad,
mööch nit wisse, wievill noch dobei sinn vun damohls,
wievill, die jetz scheiß-liberal
bess bierernst ihr Traditione
net dämm Mief vun dausend Johr
konserviere un betone
dat se Klüngele wöhr janit wohr.

[3.]
Wenn die Kleinigkeitskrämer als Weltmeister jonn,
Klar - ihr Beistellfrau blieht schön doheim,
un em Suff sich beklaare, die däät nix verstonn
un dann 'fremdjonn' - (natürlich jeheim)
die sich versööke ze belüje
sich weißzemaache, su jing 'FREI'
t'Schärfste ess, wenn die dann singe:
'Ahm Aschermettwoch ess alles vobei ...'

Andrerseits ess dat praktisch, dat muss ich gestonn,
jedes Verhalten sortiert, wie'n Kartei,
Stechuhr - Weihnachte, schwazz wenn wer stirv - op die Tour
kütt dann jedes Jeföhl clean ahn de Reihe
Wesst ihr wat Lück? Ihr künnt mich
ich benn jeck wie ich will, t'janze Johr,
wenn ihr wollt, leckt mich quer, ävver schmiert üch ühr
Kompensation unger üch en de Hohr.