Et Neuste Testament Letra

En Golgatha ess Jubiläum. All sinn do. Et hätt sich vill jeändert, nix blevv wie et woor. Nur die Akteure, die sinn noch fit wie eh un je. Se hann sich irjendwann jesaht: "Mer blieven he!" Paar hann Karrier jemaht, dä Rest, dä jeht ahm Stock. Su wie dä Thomas, dä nix jläuv un trotzdem noch mem Wachturm op der Eck steht, oder nevenahn. Maria Magdalena schaff noch immer ahn. Dä Chef vum janze, dä heiß Pilatus – immer noch. Dämm sing Händ, die weeden jetz met 60 Grad jekoch. En Unschuld einjeweich, em Vorwaschjang jeschont – die Amnestie für dä Barabas hätt sich jelohnt. Denn Barabas ess jetz dämm Chef sing räächte Hand – eez nur inkognito, dann Goebbel‘s Jupp jenannt. Als Propajandachef un Superintendant mäht dä Jung die Inszenierung övverall bekannt. Maria hätt met Josef un Veronika null–komma-nix en Souvenierbuud opjemaaht. Vum Waggelbild bess zu der Kreuzijung em Schnee un enem Abziehbild: "Oh, Jesus, ich woor he!" Die Firma "Kleenex" hätt als Sonderanjebot Portraits vum Herrjott op ihr Dööcher dropjedruck. Un en dämm Wühltisch met dämm Schild "Bastlerbedarf", do hammer Näjel, Balke, Dornenkrone un e Jraav. Dä Petrus hätt ne Steinbruch. Judas ess Spion. Dä arbeit für Herodes für ne Hungerlohn. Herodes selvs mäht en singer neue Fleischfabrik uss alle Neujeborene "Pänzköpp en Aspik". Un och dä Esel vum Palmsonndaach, dä ess noch do. Dä steht jetz bei "Fleurop" un dä kritt sing Jnadenbrot. "Sag’s durch den Palmzweig" steht do op jeder Litfass-Seul, "maach dinge Sklave aff un zo domet en Freud." Un "Hosianna Kaufhaus" heiß dä Supermarkt. Annas un Kaiphas hann e he zo jet gebraat. He stund dä Tempel domohls vüür 2000 Johr. Jetz sinn die Wucherer un die Händler widder do. Se hann Versicherunge, Banke hingesetz un die weeden alljemein verehrt un hochgeschätz. Bundesverdienstkreuz, EK 1 un Fridaachs Fisch. Un jeden Sonndaach jeht et schön brav en de Kirche. Nur einer nimmp he kein Sau mieh für voll. Dä Typ uss Nazareth, dä woos noch nie, wat hä he sollt. Dä hätt et dranjejovve, süff jetz nur noch Wing. Dat met dämm Bruutverdeile lööt hä lang ald sinn. INRI weet hückzodaach dä Denker ennjebrannt, su wie ne Jüddestään, op de räächte Hand. Wä dann noch wiggerdenk, dä weed exekutiert oder zumindest eez ens präventiv kastriert. Jesus vun Nazareth trifft dä "Heilije Jeist": "Jung, ess unsere Vatter he? Jo? Dann simmer jo ald drei. Hä nimmp sinj Kaatespill, ze mische bruch hä nit, denn et steiht immer fess, wat wer für Kaate kritt. Dä Sohn deilt uss, dä Jeist säht: "Nullewehr!" Do säht dä Bapp: "Wat ess he loss? Ich daach, mer spille jetz e Ründche "Sibbzehn-Vier". Doch Sohnemann säht, met vier Asse op der Hand: "Nä, leeve Bapp, et weet jepokert, weil mer do joot blöffe kann!" Der Vollständigkeit halber hier das Gebet des Ministranten zu Geginn des Songs: Confiteor deo omnipotente, beatae Mariae semper virgini, beato Michaeli Archangelo, beato Johanni. Baptistae,sanctis Apostolis Petro et Paulo, omnibus sanctis, et tibi pater, quia pecavi nimis cognatione, verbo et opere: Mea culpa, mea culpa, mea maxima culpa. Ideo precor beatam Mariam semper virginem, beatum Johannem baptistam, sanctos Apostolos Petrum et Paulum omnes sanctos,et te, pater, oerate pro me ad Dominum, deum nostum.